හිතට වද දෙන නිමිත්තක්

මං මිනිස්සුන්ට සල්ලි දෙන්නා උන් ඒවයින් බොනවා...කොරන්න දෙයක් නෑ...අසරණ වුනත් ඉතිං...අපිට ලෝකෙටම පිහිට වෙන්න බෑනෙ...

දුන් චේතනාව පිරිසිදු නම්, ඒ ගැන හිතන්න ඔනි නැහැ නේද?

මම මේ කොහෙහරි බ්ලොග් එකක කිවෙව්වා හිඟන්නන්ට සල්ලි දෙන්න එපා උන් ඒකෙන් කවදාවත් මිදෙන්නෑ එහෙම වුනාම ඇබ්බැහි වෙනවා කියා.

ජීවිතේ නවාතැනක් කියන නිසා මේ නවාතැනේ ඔහු වින්දනය කරන්නේ එහෙම නම්... එය ආපසු හැරෙන්නට තරම් කාලයක්( ජිවිතය තුළදි කාලය කියන්නේ අත්දැකීම් එහෙම නැත්නම් අත්විදීම් වලින් මැනෙන දෙයක් කියලා මං හිතනවා) නැත්නම් කෙටි නවාතැන් පලේ කෙනෙක් පිනවුවා කියා සතුටුවන්න සහොදරයා. මම දවසක් මෙහෙම හිතලා බීපන් කියලාම මිනිහෙකුට සල්ලි දුන්නා. ඒක ටිකක් දිග කතාවක්. ඒ කතාව තිබ්බා වේ.නමුත් ඇත්ත නම් ඒ මිනිස්සුන්ට ඒක සැපක්. ඒකෙන් මිදෙන්න දැන් බෑ.මිදුනොත් ඒ මිනිස්සු මැරෙනවා. නිවන් දකිනවා කියලා කියන දේදි රාගය ද්වේෂය මොහය ගැනත් ඒ ඇයෝ හිතන්නේ මේ වගේම අපුලකින්. ඒත් ඔවා අත්හැරියම මනුස්ස පැවැත්ම ඉවරයි. මනුසත් බවේ ඉතාම සුන්ද‍ර දේවල් හා අසන්දර දේවල් රාගය ද්වේෂය මොහය තුළ තැම්පත් වෙලා තියෙනවා කියලා මං හිතනවා. අපි මේවා අතාරිනවාද? ඒ මනුස්සයා ගැන රහත් කෙනෙක් වගේ කොහොම හිතන්නද? හිතේ තියාගෙන දුක් විදින දේවල් වලින් හිත තැවි තැවි මෙළවෙනවා විතරයි. ඉතිං ඒ ගින්නට වඩා හැමදාම දුක්විදින මිනිහෙක් තෘප්තිමත් කලාය කියන සතුට විදගන්න...ඔබට උපදෙස් දීමට තරම් මා ජීවිතය තුළ පන්නරය ලබා නැති බවත් දනිමි. නමුත් මට සිතෙන දේ ලිවේමි. ක්මෙන්ට් කියන්නේ එහෙම ලිවිය හැකි තැනකි. සුබ දවසක් වේවා.

එයා අරක්කු බොනවා කියලා නොදී ඉන්න එපා... මොකද ඔය අරක්කු ටික බොන්න ඉලඟට හොරකම් කරනවා.. හොරකම් කරලා තවත් අනාත වෙනවා

මචන් අපිට මගතොටේ නානාප්‍රකාර හිඟන්නෝ පුළන්නෝ හැමදාකමත් හම්බු වෙනවා. අපි ඒ මිනිස්සුන්ට සමහරවිට සල්ලි දෙනවා. සමහරවිට නොදී ඉන්නවා. ඒත් මචන් හිතලා බලපන් එහෙම කීයක් හරි හිඟන්නෙක්ට දෙන්න අපි පෙළඹෙන්නේ ඇයි කියලා. ඒක මාර දෙයක්. වැඩිදෙනෙක් හිඟන්නෙක්ට සල්ලි දෙන්නේ තමන් වෙනුවෙන්. එක්කෝ අනෙක් එකා කීයක් හරි දුන්නහම තමන් නොදුන්නොත් හරි නෑ වගේ දැනෙන නිසා, එක්කෝ තමන්ට පින් පුරවගන්න බලාපොරොත්තුවෙන්. ඒත් නැතිනම් තමන්ගේ හෘදය සාක්ෂියේ කරච්චලයෙන් ගැලවෙන්න. ඒත් ඒ එකක් වත් හරි නෑ මට හිතෙන්නේ. සමහරවිට අපිට හොඳටම තේරෙනවා මේ මිනිහගේ ඇස් පේනවා, මූ ලෝක හොරෙක් කියලා. ඒත් අපි සල්ලි දෙන්නේ ඒ මිනිහා ඒ සල්ලි වලින් තේ එකක් හරි බොයිනේ කියලා. උඹ දුන්න කීයෙන් හරි ඔය කථාවේ මිනිහා බිවුවා කියලා උඹට අවුලක් වෙන්නේ නෑ, උඹ සල්ලි දුන්නේ ඔය කිසිම දෙයක් නොහිතා නම්. මොකද මචන් එකක්, ඔය මිනිහා ණයට හරි බොයි. උඹට කීයක් හරි නොදුන්නා කියලා ඒ මිනිහට නොබී ඉන්න පුරුදු කරන්න බෑ. අනෙක එහෙම බොන එකම මිනිහාත් ඌ නෙවෙයි. අනුන්ගෙන් නොඉල්ලා තමන් හම්බු කරන අන්තිම සතේ දක්වා බොන එවුනුත් ඉන්නවා. උඹ බොහොම සංවේදී විදියට ලියල තියෙනවා.