Post CHOGM Stress | පශ්චාත් චෝගම් ආතතිය

5 comments
 
පොදුරාජ්‍ය මණ්ඩලීය රාජ්‍ය නායකයින්ගේ සමුලුව අවසාන වී ඇත. රටට බොහෝ [අත්දැකීම් වැනි] දෑ ලැබී ඇති අතර ඒ ලැබීම් වෙනුවෙන් රජය කෝටි ගණනක් මුදල් ඒ වෙනුවෙන් වියදම් කර ඇති. චාර්ලිස් කුමරා ඇතුලු බ්‍රිතාන්‍යයෙන් මෙන්ම ඕස්ට්‍රේලියාවත් චෝගම් වෙනුවෙන් මෙරටට පැමිණියද බහුතරය අප්‍රිකානු රටවල් වලින් ය පැමිණ ඇත්තේ. ඒ අතරින් ඉන්දියාව, කැනඩාව ආදී රටවල් මෙරටට පැමිණීම වර්ජනය කල ඒ වෙනුවෙන් කිසිවෙකු චෝගම් සමයේ දී එළිපහළියට බැස ප්‍රකාශ නිකුත් කරන්නට තියා උන් පැත්තට හැරී හූවක් වත් කියන්නට එඩියෙන් යුතු නොවී ය. එහෙත් චෝගම් සමයේදීම youtube හී වීඩියෝ රසඳුණක් බවට පත් වූ ක්‍රිස් නෝනිස් මහතාගේ CNN වීඩියෝව දැක ලියුම්කරුද ජාති මාමකත්වයෙන් චූන් වූ බව මතක් කරන්නටත් ආතල් කටයුතු වේ.
චෝගම් වලට සතියකට පෙර සිට ම සියලු ජාති මාමක, ලෙමන්පෆ් වීර, ආණ්ඩු පක්ෂපාතී, අධිරාජ්‍ය විරෝධී ශබ්දවාහිණී නිහඬ කර තැබීමට දුන් උපදෙස කෙතරම් බලවත් ද යත්, චෝගම් ඇරී දිනයක් ගතවීත් උක්ත කුලකයට අයිති කිසිවෙකුගේ උගුරු දඬු වල වොලියුම් ඉහල දමා, ස්වීච් ඔන් කර [ලියුම්කරු මේ සටහන ලියනා අවස්ථාව වන විටත්] නොතිබිණි.

 
ඒ නිහඬ බව අවන්ත දුටිවේ මේ අකාරයෙනි.

නාඩගමේ මතකය චිත්ත සන්තානයන්ගෙන් පහව යන්නට මත්තෙන් කෙහෙළිය ඇමතිතුමා චෝගම් වලට ගෙන්නූ වාහන පිළිබඳව අපූරු කතාවක් කියා තිබේ. මා හට එය කියවන්නට ලැබුනේ ලංකාදීප වෙබ් අඩවියේ තිබීයි.
"අමාත්‍යංශ සියල්ලකම පාහේ දැනට පාවිච්චි කරන වාහන බොහොමයක් ඉතාමත් අබලන් තත්ත්වයෙන් පවතින ඒවා. උදාහරණයක් වශයෙන් මගේ අමාත්‍යංශයේ අතිරේක ලේකම්වරු දෙදෙනකුට වාහන නැහැ. ඒ සඳහා ඉල්ලූම් කර තිබුණා. නමුත් එම අවශ්‍යතා සඳහා වාහන ගෙන්වීමට මහා භාණ්ඩාගාරයෙන් මුදල් ගෙවීම අත්හිටුවා තිබෙනවා. දැනටමත් ඒ තීරණය කි‍්‍රයාත්මක වෙනවා. සියලූ අමාත්‍යංශවලට අවශ්‍ය වාහන ලබා ගැනීම සඳහා මුදල් වෙන් කිරීම අත්හිටුවා ඒ වෙනුවට මෙම සමුළුවට ගෙන්වන ලද වාහන ලබාදීමට මුදල් අමාත්‍යංශය තීරණයකර තිබෙනවා."
[උපුටාගැනීම : ලංකාදීප වෙබ් අඩවිය]
වාහන ගෙන්වීමෙන් රටට වන වියදම් අධික තත්ත්වය කෙසේ නම් දරාගනීදැයි මුල සිටම හර්ෂ ද සිල්වා වැනි විපක්ෂයේ එජාප මන්ත්‍රී වරුන් පෙන්වාදී තිබිණි. එජාපය හා බොබසේ එකට එක් වී චෝගම් සමයේදී තෙල් ටිකට නාගත් බව වෙනම කතාවකි. ඒ නමුත් අටානූවක් ගොන්කතා මැද එකදු හෝ වටින කතාවක් මතක් කිරීම වටිනාකටයුතු ය. ඊට යන අධික වියදම වෙනුවට මංත්‍රී වරුන් භාවිතා කරන අලූත්ම අලුත් සුඛෝපභෝගී වාහන භාවිතා කරන්නැයි කීවද ඒ තර්ගය කනකට ගත්තේ ආණ්ඩුව නොවේ. සංඛ්‍යාත්මක වශයෙන් ගත් කල බුලට්පෲෆ් බෙන්ස් රථ 54ක්ද, අතිරේකව ජපානයේ නිපැයූ මෝටර් රථ 175ක්ද, වෑන් රථ 60ක්ද, බස් රථ 30ක් ද ඒ අතර වේ. මේවාට වියදම් වන මුදල් මෙතැන සඳහන් කරන්නට ලියුම් කරු මහන්සි නොවන්නේ ඉන් ඔබේ පශ්චාත් චෝගම් ආතතිය මෙන්ම, පූර්ව චෝගම් විශාදය ද ඉහළ යන බව දන්නා නිසා ය. 
 
කෙනෙකුට චෝගම් වලට වියදම් කල මුදල සාධාරණයැයි තර්ක කරන්නට හැකියාව ඇත.. ඊට ලියුම් කරු කිසිවක් කියන්නට බැඳී නැතත්, ලියුම් කරුට අනුව [ඔහු ජීවත් වන්නේ ලංකාවේ නිසා ජීවන බර තදට දැනේ] මේවා මීට වඩා සොයා බලා අවර කොන්වල වියැකී ලේඛන ගත නොවූ වියදම් ද ගණනය කලහෝත් දැනට එළිලා ඇති චෝගම් අයවැය අංක, අවලංගු කාසි මෙන් වන බව, ඉර හෙට පායනවා මෙන් ශුවර් ය.

2014 අයවැය කථාව නොවැම්බර් මස 21 දා පාර්ලිමේන්තුවට ඉදිරිපත් කරනා බව රජයේ පුවත් අඩවිය දැනුම් දී ඇත. ඒ අනුව දැනට පවතින වියහියදම් ද අධිකවන කාලයක් පසුකරන මේ දූපත තුල ජීවත් වන අපි ලබන වසරේ අයවැය තුලින් අප හට සහනයක් සැලසේ යැයි විශ්වාස කටයුතු ව පවසන්නේ කෙසේ ද? බොහෝ මගුල් ගන්නේ මගුල අවසන එකතුවන ලියුම්කවර තෑගි තුලින් වියදම පියවාගන්නට වුවත් මේ චෝගම් මගුල අවසානයේ ඉතුරු වන්නේ රුපියල් පනහ සීය දැමූ ලියුම් කවර කිහිපයකුත් අධිකව කැඩී බිඳීගිය පිඟන් කෝප්ප ටිකකුත් නොවන බවට අප පවසන්නේ කෙසේ ද? පශ්චාත් චෝගම් ආතතිය අපේ දන මන තුල තීව්‍ර වන්නේ ඕවා ගැන කල්පනා කරන විටය. අවුලක් නැත, සති දෙකක් යන විට මේවා අමතක වනු ඇත..

තතු මූලයන් :
www.lankadeepa.lk
 

5 comments :

Post a Comment

Vagabond Rides

12 comments

                  ම ගොඩක් වෙලාවට මට හිතෙන දේ කරන්න කැමතියි, ඒත් කරුමෙට වගේ මම ඒ කරන දේවල් වලට මොනවා හරි කියන්න කවුරු හරි මම අඳුනන අය අතර ඉන්නවා, ඒක හැටි, ඒක මාව හදන්න තියෙන උවමනාවට කියනවද එහෙම නැති නම්, මාව නසන්න උවමනාවට කියනා එවාද කියලා මට කුලක ගත කරන්න අමාරුයි.., මොකද මම බොහෝ වෙලාවට දෙයක් කරන්න කලින් හැමෝගේම අදහස් උදහස් ගත්තත් බොහෝවිට මම කරන්නේ මට ඔන දේවල් විතරක් නිසා.
ඒත් ඊට කලින් මට මගේ මිතුරන් කියූ දේවල් මතක නැතිව නොවේ. ඒවා මම පාවිච්චි කරන්නේ මගේ උත්සහයන් පුස්සක් උනෝතින් ඊළඟට කල යුත්තේ කුමක් දැයි තීරණය කිරීම සඳහා.., [backup plan], මම මෙහෙම ලියන්න හිතුවේ කාලේකට කලින් මට ආසාවක් තිබ්බා.., අතේ සීමිත මුදලක් තියාගෙන එළියට බැහැලා, ඒ මුදලට ගැලපෙන ආකාරයේ කොහේ හෝ ඉසව්වක සංචාරයේ යෙදෙන්න. එය ළඟපාත වෙන්න පුලුවන් දුර බැහැරක් වීමටත් බැරි කමක් නෑ.
මීට පෙර මම කීප වතාවක් ම මම එසේ සිතාගෙන එලියට බැස්සත් මම අවිඥ්ඥාණිකව අතිරේක මුදලක් මා සතුව තබාගෙනයි එසේ එළියට බැස ඇත්තේ.., ඉතින් ඒ ඒ ආවස්ථා වලද මම සංචාරය අතින් සාර්ථක උනත් මගේ අත ඇති මුදල මම දන්නා නිසාත් ඒ අවසාන උනොත් මා සතුව අතිරේකව මුදල් ඇති බව දන්නා නිසාත් මම හෘදයාංගමව මම තුටු වූයේ නෑ.
ඒත් මගේ මිතුරෙක් මේකට සාර්ථකව මුහුණ දෙනවා.., ඔහු වෘත්තියෙන් ගුරුවරයෙක් නමුත් ඔහුට අතිරේක ගමන් බිමන් නිමක් නෑ.., ඔහුට යම් හිත් තැවුලක් නො එසේනම් ගැහැටක් වී හිත එකලාසයක් කරගැනීමට ඔහු භාවිතා කරන්නේ මේ ක්‍රමවේදය..., එය ඉතා පහසු මෙන්ම ඉතා ප්‍රථිපල දායක ක්‍රමවේදයක්, ඔහු කියනා හැටියට.,
මා මෙන්ම සේයාරු හසුකරගන්නට කැමැති කෙනෙකු නිසාවෙන් ඔහු කියනා ආකාරයට මේ ක්‍රමවේදය තුලින් ඔහුගේ රූප එකතුවට පෙර නොවූ විරූ රූප ගොන්නක් එකතු වී තිබෙනවා.., නුවර එළිය, නුවර, අනුරාධපුරය, බදුල්ල, හම්බන්තොට මේ ආදී නෙක පලාත්වල සංචාරයේ යෙදෙන්නට ඔහුට වියදම් ලෙස යන්නේ ඉතා අවම පරිමිතියක මුදල් ප්‍රමාණයක්.
ඔව් ඒකෙන් මම හරිම සතුටක් ලබනවා.
සමහරවිට මගේ ගමන තීරණය වන්නේ ගමන් ගන්නා ප්‍රවාහන මාධ්‍යය මතයි, එය බස් එකක්, කෝච්චියක් එහෙමත් නැතිනම් බෝට්ටුවක් පහුරක් වන්නටත් තියෙන ඉඩකඩ වැඩියි..,
ඒත් ඉන් ලබනා ආත්ම තෘප්තිය ඊට වඩා දහස් වරක් ඉහලයි.
මේ වගේ රස්තියාදුකාර ගමන් ගැන ඔහු කියන්නේ අන්න එහෙමයි.

අනික් ප්‍රධානම දේ තමයි ආහාර
ආහාර ගැනීමේදී වැඩිපුරම සැලකිලිමත් වෙන්නට අවශ්‍ය වන්නේ ජලය ගැන පමණයි.., ඒ උදරාබාධ වලට හසුවීමට ඇති ඉඩකඩ වැඩි නිසා. මෙතනදී අපි අවධානයට ගත යුතු දෙයක් තියේ නම් ඒ ප්‍රදේශයෙන් ප්‍රදේශයට ජලයේ ස්වභාවය වෙනස් වෙනවා.., ඉතින් මේ වෙනස අපේ උදරයට බලපාන්නේ කෝමද කියන එක ගැන මා තුල නම් තියෙන්නේ බයක්.. ඉතින් ඔබට කල හැකි සරළම දේ තමයි බෝතල් කල පානීය ජලය භාවිතයට ගැනීම. ඒ වගේම ආහාර ගැනීමේදී හොදි භාවිතාව අඩු කිරීම සහ ජලය පානය ගැන සැලකිලිමත් වීම තුලින් ඊට සහනයක් ලබාගන්නට හැකියි.

පිටින් බලන්නෙකුට මේ ගමන් නිකරුනේ මුදල් වැයවන කිසිම හරයක් නැති ගමන් වගේ පෙනෙන්න තියෙන ඉඩකඩ වැඩි උනාට ඉන් ඒ ගමනේ යෙදෙන්නා ලබන මානසික සුවය මුදලින් මැනිය නොහැකියි.

වෙලාවක එහෙම ගිහින් බලන්නෝන.

12 comments :

Post a Comment

Love Hotel | ラブホテル

8 comments
හදිස්සියේම යාලුවෙක් හම්බු වෙන්න අවිස්සාවෙල්ලෙන් බස් එකේ නැග්ග මට ඉඳගන්න ලැබුනේ සීට් තුනේ පේලියක අන්තිම සීට් එකේ.., ජනේලේ පැත්තේ ටිකක් වෙනසක් තියෙන අමුතු ආකාරයේ [ඒ අමුතු කියන්නේ බස් එකේ හිටපු අයට සාපේක්ෂව වෙනස් විදියට ඇඳ පැලඳගෙන හිටි දෙන්නෙක් නිසා.]ජෝඩුවක්. කොන්දොස්තර මහත්මයා මගෙන් ටිකට් ගන්න ළඟට එනකොටත් දෙන්නගෙන් ගෑනු ළමයා හිටියේ පිරිමි ළමයාගේ උරහිසට ඔලුව තියාගෙන, අවුකණ්නාඩියක් දාගෙන හිටිය නිසා පිටට ඒ ඇත්ති නිදිද අවධියෙන්ද කියලා හිතා ගන්න බෑ.. මෙහෙම ඉන්නාතරේ එක පාරටම හිස කෙළින් කරගත්තු අර ගෑණු ළමයා අර තරුණයාගෙන් මෙහෙම ඇහුවා...

ඔයා ජැපෑන් ගිහින් තියෙනවද?

මෙහෙම ඇහුවම අර තරුණයා ටිකක් නොසංසුන් උනා.. ඒත් ඒ බව පිටට නොපෙන්වන්න උත්සහ කල ඔහු මෙහෙම කිව්වා..

ඔව් ඒ ලෙවල් කරලා ස්කොල් එකකින් සිලෙක්ට් වෙලා මම හයර් ස්ටඩීස් කලේ එහෙ.

ඇයි එක පාරටම එහෙම ඇහුවේ ?
නෑ මම නිකම් ඇහුවේ..,


එහෙ තියෙන්නේ හරි ෆ්‍රී කල්චර් එකක් කියලා අහලා තියෙනවා.
ලස්සන කෙල්ලෝ එහෙම ඉන්න ඇති?

හමේ පාටේ වෙනසයි මූනේ වෙනසයි එක්ක පොඩි අමුත්තක් තිබ්බට ඔයාලා වගේම තමා.., බොඩි කිට් වෙනස් උනාට සේම් ඇන්ජින්.,


තරුණයා උත්තර දුන්නේ ඒවාට උත්තර බඳින්න කිසිම උවමනාවක් නෑ වගේ

හිත ගිය අය එහෙම ඉන්න ඇති, මම කිව්වේ ඩේට් කල අය එහෙම..?
හ්ම්ම්


මොකෝ මම අහන ඔක්කොටම හ්ම්ම් හ්ම්ම් ගාන්නේ බස්සෙක් වගේ?
කෙටියෙන් ම කියන්න ඔයාට මොකද්ද දැන ගන්න ඕනේ..?


නැහ් මට එහෙම මොකවත් දැනගන්න ඕනේ නෑ..,
ඇයි ඔයා එහෙම අහන්නේ..???
මම එහෙම ඇහුවේ මගේ ජීවීතේ අවුරුදු 2 කට කලින් වෙච්චි දේවල් එකපාරටම හෙන ගහන්නා වගේ අවුස්සනකොට..,
ඊයේ මම ඔයාගේ කාමරේ අස් කරනකොට ඇඳ යට තිබිලා පෙට්ටියක් හම්බුනා.., ඒකේ තිබුනා ඔයා ජැපනීස් ගර්ල් කෙනෙක් එක්ක ඇඳක් උඩ ඉඳන් ගත්තු පින්තූරයක්.. ඒකයි.., කෙල්ල නම් ලස්සනයි ඒත් ඔයා එක්ක විශ්වාසෙන් ඉන්නවා කියලා හිතුනේ නෑ, ඒ ඔයාගේ ජැපෑන් වල ගර්ල් ෆ්‍රෙන්ඩ් කෙනෙක් ද?


ඉතින් ඒ කෙල්ල එක්ක මම ඇඳක් උඩ ඉඳන් ගත්තු පින්තූරේත් හරි.., ඒ කෙල්ල මා එක්ක සම්බන්ධයක් තියෙනවා කියලා ඔයා කොහොමද කියන්නේ, ඔහොම සැක කරලා අපි දෙන්නා කොහොමද එකතු වෙන්නේ?? අනික ඔයා දන්නවා මම ජැපෑන් වල වර්ක් කලේ ලවු හොටේල් එකක රූම් සර්විස් සෙක්ෂන් එකක බව.

අනේ නෑ ජනූ, මම එහෙම අවිස්වාසෙයක් තියාගෙන ඉන්නවා නෙවෙයි. ඔයා දන්නවා නේ මම එහෙම පරණ විකාර ඔලුව තියාගෙන ඉන්න කෙල්ලෙක් නෙවෙයි කියලා.
මම එහෙම ඇහුවේ දැනගන්න. හිටියා කියලා මට එහෙම අවුලක් නෑ.., ඔයාගෙන් මම එහෙම ඇහුවේ ඔයා ඔය මේ
දැන් ඇඳගෙන ඉන්න ටීෂර්ට් එක ඒ පින්තූරේ ඇඳගෙන හිටියේ ඒ කෙල්ල ඒකයි.

එකවරම බොහොම හදිස්සියෙන් සාක්කුවේ තිබ්බ අව්කණ්ණාඩි දෙක අරන් ඇහේ පටලවා ගත්තු ඒ තරුණයා තමන්ගේ ස්පර්ෂ සංවේදී ජංගම දුරකතනේ නොදන්නා මොනවාදෝ හොයන්න ගත්තා.
සියුම් මදහසක් මුවේ තියාගෙන හිටපු ඒ තරුණිය ආපහු අර තරුණයාගේ උරහිසේ හිස තියාගෙන ජනේලයේන් එළියේ වේගෙන් ඇදෙන ගහකොල දිහා බලා ඉන්නට වුනා.

පහත ලිවීම : ගෙදර ආවම මොනාද මේ ලවු හොටේල් කියන්නේ කියලා ගූගල් දෙයියාගෙන් ඇහුවම මුලින්ම ආවේ මෙන්න මේ විකීපීඩියා ලින්ක් එක

8 comments :

Post a Comment

ප්‍රසූතිය හා උමං අනතුරෙන් වසන්නට බැරි වූ flying fish ජාතකය.

6 comments
වැදගත්► ඔබ මේ කියවන්නේ කෙටි කලකින් බ්ලොග් පෝස්ට් එකක නොවැටීම නිසා  ඒ අඩුව පුරවන්නට ලියවෙන අකුරු එකතුවකින් කල වදන් හරඹයකි.
 ප්‍රසූතිය හා උමං අනතුර
මීට වරු කිහිපයකට ඉහතදී විලියම් කුමාරගේ බිරින්ඳෑ සයිලන්සරයක් ප්‍රසූත කිරීම නිසා ඉහළ යුරෝපය සහ පහල යටත් විජිත ප්රීති ප්‍රමෝදයෙන් ඇළලී ගොස් ඇති බව කවුරුත් දන්නා බව සිතමි..., ලංකාවේ මේ තත්ත්වය ඒ තරම්ම උත්සන්න නැති වුව, ආරංචිය කණ වැකුණු උපාසකම්මලා හනේ සාදු කොලු පැටික්කෙක් කියා දෝහෝත්මුදුන් දී කියූ බව ඇසින්දුටු සාක්කී පවතින බව මට කිව්වේ එහා ගෙදර සේමරත්න මාමා ය.

ඔයිට කලියෙන් අපේ ගෑණි ඉස්සරෝම අර ඩයනා කුමාරි උමං පාරේ හැප්පිලා කියලා ආරංචිය ලැබුනු ගමන් ඉහේ අත තියාන විස්සෝප උනේ "අනේ ඉතින් අම්ම නැතුව අර කොල්ලෝ දෙන්නා කෝම හැදෙයිද කියලා"
මං කොච්චර කිව්වද උන් දෙන්නා රජ පැටවු දෙන්නෙක් කියලා කොහෙද අපේ යෝදි නෙවීනේ සතේකට මායිං කලේ.


සේමරත්න මාමා පරණ මතකය ඇවිස්සුවේ විලියම් කුමාරගේ දරුප්පත්තිය අලුත්ම පුවත වීම නිසා වෙනි.

එකල ඩයනා කුමාරිගේ අභාවය ඇසූ විශ්ව විද්‍යාල සිසුවෙක් බිත්තියක තම අදහස ලියා ඇති ආකාරය විකල්ප පත්තරයක් පලවූ අයුර තවමත් මගේ මතකයේ තිබේ.

ඩයනා සුපෙම්සරා
සමඟින් ඩොඩී අල්පයිඩා
බනිසේ නැගී ගියා
උමගේ හැපී මලා


කේට් කුමාරිගේ සහ විලියම් කුමාරගේ දරුවා ගේ අනාගතයට අප සුභ පැතුවද නොපැතුවද සැපවත් වනු ඇත. ඒ නිසා මගේ අවධානය යොමුවන්නේ අද සවස 1.30ට ආණ්ඩු පක්ෂයට පියෑඹු විපක්ෂයේ flying fish ගැනය.
 
Flying fish
 
ඒ කතන්දර මේ ආකාරයෙන් තියෙද්දී, අපේ ධර්මද්වීපයේ මේ රෝයල් ප්‍රසූතිය පරසිදූ වීමට එරෙහිව වූ අකටයුතුකම් නම් අපරිමානය. ඉන් ප්‍රධානම එකක් නම් දයාසිරි ජයසේකර මංත්‍රී තුමා අද සවස 1.30ට විපක්ෂයේ සිට ආණ්ඩු පක්ෂයට ඈඳිගන්නට යාමයි. විපක්ෂයක මළගමද කියා සිතෙන තරමට පිරිහීම් වෙත්දීත් ඉවසූ දයාසිරි, නායක තුමාගේ හාෆ්ශීට්කොලයක් වැනි මුහුණුත්තහඩුවේ කියවෙන දේ කියවාගන්නට  අසමාර්ථවීම මේ ඉවත් වීමට ප්‍රධානම හේතුව බව ලියන අය විශ්වාස කරයි. 

කොහේ ගියත් ලියන අයගේ පොතට අනුව දයාසීරි යනු කලු චරිතයක් නොවේ.., අනාගතයක් නැති පාරක යනවාට වඩා කාපට් දැමූ හරස් පාර හොඳ බවට සිතා රැවුල්පක්ෂ තුමාගේ දෑත් ශක්තිමත් කරන්නට යාම එක් අතකින් දයාසිරිගේ ජයග්‍රහණයකි. ඒ වාගේම ඔහුගේ දේශපාලනයට ඉතා ඉහල බලපෑමක් කරන්නට හැකි තීරණයකි.

පක්ෂ පාට වලට බෙදී කොතරම් තවුසන්ඩ් ටෝක් ඉශූ කලද දෙපසේම සිටින්නේ මිනිස්සු සහ තමන්ගේ අනාගත ජීවිතය සැපවත් කර ගැනීමේ අදිටනින් සිය "රැකියාවේ" නියැලී සිටින රැකියා නියුක්තිකයින් පිරිසකි. වෙනස ඇත්තේ උන් ව පත්කර යවා ඇත්තේ අපගේ අහිංසක කතිරය විසින්ම බව අමතක වීමයි.

කොතෙක් කතන්දර කීවද දයාසිරීගේ තීරණය වෙනස් වන්නේ වත් එක හීනෙන් එළිවන්නේ වත් නැත. ඒ වාගේම දයාසිරි හෝ රනිල් හෝ කිසිවේකුට අබමල් රේණුවකවත් අවැඩක් වන්නේ නැත. මහින්දගේද ඒකායන පැතුම වන්නේ තමාගේ ධූරකාලය තුල රනිල් විපක්ෂ නායකත්වයේ සිටීම බවට මෙන්න කැට..

එහෙත් වසර විස්සක මේ මහා පරාජයේ පරිමිතිය දැන්වත් වෙනස් වන්නට කාලය එළඹෙමින් තියේ. දයාසිරි තවත් වසර 10 කට වත් මහින්දව වට්ටන්න බෑ කියා කියුවද පොදු පෙරමුණේ ආසන ටික මේ ආකාරයෙන් යූඑන්පීයේ ඉගිල්ලෙන මාලුවන්ගෙන් පිරෙන්නට පිරෙන්නට වන්නේ පෙරමුණේ යටින් වැලිකැටය දෙක හෙමින් සැරේ හායනය වීමයි.
කලයුත්තේ බලාසිටීම හැර අන් කිසිවක් ම නොවේ.

6 comments :

Post a Comment

ජීවිතය බෝ කරන්න ලේ බිඳක් දන් දෙන්න

3 comments
       ජීවිතය කියන්න අපි හැමෝටම අයිති දෙයක්, ඒ ජීවිතය වඩාත් වර්ණවත් වෙන්නේ අපි ඒ වෙනුවෙන් ජීවිතය සඳහා තමන්ට අයිති යුතුකම් සහ වගකීම් කොටස හරියට ඉටු කරනවා නම් පමණයි, කලයුතු යුතුකම් කොටස් කෙනාගෙන් කෙනාට මෙන්ම සිතුවිල්ලෙන් සිතුවිල්ලට වෙනස් වෙනවා මෙන්ම මෙන්න මේ තමා යුතුකම් හෝ මෙන්න මේ තමා වගකීම් කියා කැටගරි ගත කර පෙන්වන්නට හැකියාවක් නෑ.., ඒ උක්ත ක්‍රමවේදයන්ගේ විචල්‍ය භාවය නිසාවෙන්මයි.
එකිනෙකාට තමන්ගේ යුතුකම් කොටස ඉටු කරන්න හෝ සිය වගකීම හරි හැටි ඉටු කරන්නට වෙරදරන මානසිකත්වයක් තුල ඒ යුතුකම් හා වගකීම් අනෙකාගේ සුඛවිහරණය සඳහා කුඩා හෝ දායකත්වයක් පලකරන්නට හැකියාව ලැබෙන අවස්ථා රාශියක් අවට ලෝකය තුල අපට ලක්ෂ්‍යගත කර පෙන්වන්නට පුලුවන්..., ලේ දන්දීම ඉන් එක දායකත්වය පලකිරීමක්. එහෙව් ලේ දන්දීමේ පින්කමකට මුල පුරන්නට අන්තිම පේලිය හෙවත් the last row කණ්ඩායම මුල පුරා තිබීම අද්විතීයයි.
ඔවුන් එයට නිමිත්තක් කරගෙන ඇත්තේ මෙයට වසරකට පෙර අප අතුරින් වියෝ වූ සනත් විජේවර්ධන සහෘදයාවයි.., බ්ලොග් ලෝකය තුල Observer නො එසේනම් "ඔබාමාමා" යන ආදරණීය නාමකරණය ලැබූ ඒ අපූරු පුද්ගලයාට පිං පිණිසයි. වැල්ලවත්ත ජාත්‍යන්තර බෞද්ධ මධ්‍යස්ථානයේ දී අප්‍රියෙල් මස 28 වන ඉරු දින උදෑසන 9 සිට සවස 3 දක්වා සිදු කෙරෙන මේ පිංකමකට වඩා යුතුකමක් වන මේ ඉසව්වට අන්තිම පේළියේ සහෘදයින් ඔබ හට ආරාධනා කරන්නේ සුපුරුදු හිතවන්ත බවින්ම යි.
මේ ඉසව්ව සඳහා මාධ්‍ය දායකත්වය දක්වන බස්‍ රේඩියොව ඔබව නිරතුරුවම දැනුවත් කරනු ලබන අතර මේ වනවිටත් මූණුපොත් හරහා පැතිරෙන අදාල ඉසව්වේ තොරතුරු රැගත් පෝස්ටර ඔබට ඒ සඳහා සහභාගි වීමට පාර කියනු ලබනවා ඇති. 



එන්න ජීවිතයක් ජීවත් කරවන්න ජීව හුස්ම පිඹින්න ලේ බිඳක් දන් දෙන්න..!

3 comments :

Post a Comment

මිතුරියක් කියූ කතාවක්

6 comments
හිත තුල
සිරවී ඇති
නිර්මාණශීලී බව
විරේක වන්නට
සුනේත්‍රාගේ පොතක්
කියවිය යුතුය.

-වීතරාගී


පහත ලිවීම►
කාලෙකින් මොකුත්ම ලියාගන්න දෙයක් නැතිව ඉන්න අල්ලපනල්ලේ දී වීතරාගී කතා කලා. ඈ ඒ පොඩි වෙලාවට කිව්ව දේ අමතකවෙනවට මෙතනත් ලියලා තිබ්බොත් හොඳයි කියලා මට හිතුනා.
ගිහින් එන්නං!

6 comments :

Post a Comment

පුද්ගලික බව ජාලගත කිරීම

20 comments
      ඒ ලෙවල් වලට පන්ති යන්න නුගේගොඩ රොටරියේදී එක්කහු වෙච්චි සෙට් එක ඒලෙවල් කරලා අවුරුදු නවයකට වඩා ගෙවුනත් තවමත් අපි අතර සම්බන්ධ වෙලා තියෙන්නේ අන්තර්ජාලෙට පින්සිද්ධ වෙන්න. උසස්පෙළින් පස්සේ ගෙදර ඉඳන් කැම්පස් යාවි යැයි කියලා විස්වාසයක් නැති සමහරු ජොබ් හෙව්වා.., කැම්පස් පාස් වෙයි කියලා විශ්වාසයක් තිබ්බ සුධීරා, චමෝද, රචිත් වගේ අය වෙලාව වෙන්කලේ 2003, 2004 කාලේ වෙනකොට අන්තර්ජාල පහසුකම් අස්සේ තියෙන එක එක රසවින්දන කොටස් හොයන්න.., විශ්ව විද්‍යාලේ යාම ගන විශ්වාසය නොතිබ්බ මම වගේ අය, පිස්සුව රස්සාව කරගෙන වෙබ් අඩවි නිර්මාණ කරුවෙක් විදියට රැකියාව කරන අතරතුරේ අපේ පරණ රොටරි කණ්ඩායම අර ඉහතින් කිව්ව විදියට ඔන්ලයින් ඉන්න නිසා නිතර කතා බහ කරන්න ලැබුණා, සිංහලයාඩොට් කොම්, කපුටා ඩොට් කොම් වගේ වෙබ් අඩවි වල චැට් රූම් අස්සේ අපි නිතර හමු වුනා.., එහෙම කතා කරන එක දවසක අපේ අය අතරේ මුස්ලිම් කොල්ලෙක්ට හිටියේ අක්‍රම් විතරයි.., කැඩිච්චි සිංහල කතා කලාට බාලාංශයේ ඉඳන්ම සිංහල ඉස්කෝලෙක ගිය නිසාද කොහේදෝ අපි අපි අතරේ අකුරු අස්සෙන් කතා කරනකොට අපේ ගැටලු බව දැනුනේ නෑ.

අන්න, සුධීරා කාලෙකට පස්සේ කවියක් ලියලා..,
අක්‍රම් එහෙම කියලා කවිය කියවන්න සබැඳියක් දුන්නා.
සුධීරා අපි එක්කලා එකට පන්ති ගිය එක්කෙනෙන් උනාට අපි අතරින් මුලින් ම පවුල් පන්සල් වෙච්චි අයගෙන් එක්කෙනෙන් තමා එයා. මුලින්ම දන්න කාලේ අන්තර් ජාලේ සමාජ ජාල වෙබ් අඩවි වල තියෙන ෆොරම් වල කවි ලියන්න ගත්තු අය ගෙන් එක්කෙනෙක් උනු සුධීරා රස්සාවත් ලැබීමත්, අනෙකුත් වගකීම් කටපිට වැටීමත්, නිසා ටික ටික ලියන එක අඩු වුණා. හිත බඳගන්න රූප සම්පත්තියක් වගේම ලස්සන වචන මාලාවකින් කවි ගොතන සුධීරා ලියන කවියක් කියවන්න අපි මඟ බලාගෙන ඉන්නේ හරිම ආසාවෙන්. ඒ නිසා අපි ඔක්කොම අක්‍රම් හදීසියේ හොයාගත්තු සුධීරා ලිව්වැයි කියපු කවිය කියවන්න, චැට් තිරයට දාපු සබැඳිය අස්සේන් අපි සුධීරාගේ බ්ලොග් එකට ගියා..,
අහෝ පෙම් සබඳ
නුඹ සොයන
ස්වර්ග රාජ්‍යය
මා අස නොමැතිනම්
කිමද තෙවසරකට පෙර
මා හදේ සැතපුනේ
නුඹේ පෙම තුල
මා සෙවූ
නිදහස නොලැබුණත්
මා සිතූවේ
මා ලැබුම නුඹේ
පැතුමයි කියා
එසේ නොවන බව
මම දැනගතිමි..,
හිමි සබඳ මම
නුඹෙන් වෙන්ව යමි..!


මේක මහ අඳෝනාවක් නේ??
හැමදාම කවුරු හරි කවියක් කතාවක් දැම්මම ඒකේ වැරැද්දක් හොයන රචිත් සුපුරුදු ලෙස තමන්ගේ පළමුවෙඩි මුරය පත්තු කලා.., කොතරම් යාලුකම් තිබ්බත් හිතර පරස්පර ප්‍රකාෂයක් කරන විට ඊට එදිරි වෙන තමන්ගේ අදහස කියන්න නොපැකිල ඉදිරිපත් වෙන ඒ වෙලේ චැට් එකේ හිටපු ගොඩක් අය සුධීරාගේ කවියට රචිත් දීපු උත්තරේ දැකලා නිහඬ වුනේ ඔවුනේ ගේ හිත්වලත් රචිත්ගේ හිතේ ඇතිවෙච්චි හැඟීම ම ඇතිවුනු නිසා වෙන්න ඇති කියලායි මේ දිහා බලා හිටපු මට නම් හිතුනේ..,
මිනිහෙක් එක්ක ආදරේ බෙදාගනිද්දී වෙන ගැටලු අපි හැමෝ එක්කම බෙදාගන්නකොට අපේ ආදරේ අස්සේ තියෙන පෞද්ගලික බව නැතිවෙනවා නේද..?
දවසක් මාත් එක්ක විජිත යාපා එකේ පොතක් ගන්න ගිය වෙලාවක මගේ මිතුරෙක් ඇහුවා.., ඒ වෙලාවේ මම ඊට හිනාවකින් විතරක් උත්තර දුන්නේ, මගේ පළමු ප්‍රේමය බිඳ වැටිලා මම ඒ ගැන අන්තර් ජාලය අස්සේ මගේ ඉඩේ තනිව කතිකාවක් ගොඩ නගමිනි හිටි නිසාවෙන්. ඒත් ඔහු අහපු ප්‍රශ්ණේ මගේ හිත තුල කැකෑරෙමින් තිබ්බ ප්‍රෂ්ණයක්.., කොහොමටත් මම පසුව තේරුම් ගත්තා හිතේ දුකට එදිරිව තනි පුද්ගල කැරැල්ලක් ගසන්නට යාමෙන් වෙන්නේ මගේ හිත තුවාල වෙන එකමයි කියලා.., පසුව මේ දෙවල් ගැන මධ්‍යස්ථව හිතද්දී මට ආවේ ගැටලු දෙකයි ඒ,
·         ඇයි එහෙම ගැටලු අනිත් අය එක්ක බෙදාගතයුත්තේ..?
·         දෙදෙනෙක් අතර වෙන දේ පෞද්ගලික නම් ඇයි ඈ/ඔහු එකිනෙකාගේ ආශ්‍රයෙන් වෙන් වූ සැනින් ඊට [අ]ප්‍රසිද්ධියක් දෙන්නේ..?

ඇත්තටම ඔවුන් ඒකෙන් බලාපොරොත්තු වෙන්නේ මොකද්ද? ඇත්තටම වෙන්නේ පවතින ලෝකේ සබඳතා තොරතුරු තාක්ෂණයත් එක්ක බැඳී තියෙනකොට අප වටා ප්‍රවාහයක් [crowd] සිටිනා බව දැනුනම අදහස් උදහස් දැනගන්නට අප තුල පවතින ඕනෑකම අපටත් හොරා අපේ හිත් ඔස්සේ සමාජ ජාල අඩවි හරහා එලියට එන බවක්..,
" මිනිස්සු කොහොමත් කැමති නෑ, තනියම ඉන්න.., ඒකයි මිනිස්සු අන්තර්ජාලය හරහා හමු වුන කිසිදා නොදැකි මිනිස්සුන් හට ඔවුන්ගේ දුක පවසා හිත් නිදහස් කරගන්නේ හරියට, මම ඔයාට මගේ දුකක් කියනවා වගේ..,"

වසර පහක සිට මා හා සතියකට වරක්වත් කතා කරන මගේ ජපාන මිතුරිය තොමෝයි මේ ගැන ඇයගේ අදහස විදියට කියන්නේ.   සමහරවිට සුධීරාට හිතේ මොනවා හරි ගැටලුවක් ඇති ඒ නිසා වෙන්න ඇති එයා මේ විදියට හිතේ දුක එළියට දාන්නේ.., ඒත් ඒකෙන් අනිත් අයගේ ආකර්ෂනය හොයන එකනම් තේරුමක් නැති වැඩක්..! අපි අන්තර්ජාලය තුල චරිතයක් වෙන්නට අපේ පෞද්ගලික බව ඕනෑවට වඩා භාවිත කලොත් ඉන් සිදුවන හානිය වන්නේ අපටමයි..,  මම මේ ගැන කල්පනා කරමින් තීරය දෙසට නෙත් යොමු කරා.., තවමත් කට්ටිය චැට් එකේ බරටම කතාව මම ඒ පැත්තට යන්න මගේ ඇඟිළි ඉක්මන් කෙරුවා.

20 comments :

Post a Comment