සිතුවිලි උත්තේජනය හෙවත් ෆොන්සේකාගේ නිදහස

12 comments

 පෙරදා රාත්තිරියේ සිට.., ජෙනරාල් වෙනුවෙන් ජාල සමාජ හරහා කිඹුල් කඳුලු හැලූ අයටත්.., ඓශ්චර්යට යන මාර්ගයේ නිති පතා යන එන ජනපති පාර්ශව හිතෛශීන්ටත් හුස්මක් හෙළා ඉසිඹුවක් ලද හැකි කලක් තව පෑ විසි හතරක් තුල උදාවනු ඇත. ඒ හිටපු හමුදාපති සරත් ෆොන්සේකා මහතා නිදහස් කරන පුවත ගැන ඉව වැටීමෙනි..

මහින්ද රනිල් හා පැවති කෝපි සාදයට පසුව ටිරාන් අලස් ගේ නිවසේ අනෝමා ගේ සහභාගීත්වය ඇතිව පවත්වන්නට යෙදුනු පොකට් මීටිමේ ප්‍රථිපලයක් ලෙස අද ඇපපිට නිදහස ලැබූ ෆොන්සේකා මහතා හෙට වන විට පූර්ණව ජනපති සමාව මැද පූර්ණ නිදහස ලබනවා ඇත. ඒ පිළිබඳ කැබිනට් අනුමැතිය, ජනාධිපති සමාව, සහ මාහාධිකරණයේ තීරණවල එක වරම වූ ලිහිල් බව පුදුමය දනවන සුලුය.

මේ දිහා එකත්පස්ව බලා සිටි මට වූ ගැටලුව නම් කිසිවෙකුගෙන් විමසීමකින් තොරව අභූත චෝදනා සමඟ සිරගතකල ෆොන්සේකාව නිදහස් කරන්නට අවට සිටින සියල්ලගේම අදහස් විමසන්නේ මන්ද යන ගැටලුවයි..,
සෝමවංශලා, කරූලා, ටිල්වින්ලා, සජිත්ලා, රවීලා, කොතරම් කෑ ගැසුවද අවසානයේ මරා සියල්ලන්ටම වඩා දක්ෂ ලෙස සිය ලකුණු මට්ටම සුපුරුදු ලෙස ඉහළ තබා ගත්තේය..,

එම නිසා දැන්,
  • පවතින පාලනයට එරෙහිව කොතරම් ඉස්පිරිතාල අස්සේ, සිරගෙවල් අස්සේ හිඳ කෑ ගැහුවද ෆොන්සේකාට සමාව ලැබීමෙන් පසුව කියන කිසිවක් වලංගු වන්නේ නැත.., ඒ SF ව නිදහස් කරන්නේ ජනපතිඳුගේ පූර්ණ අනුකම්පාව මැද නිසාය..,
  • අනික් අතට.., වටින් පිටින් අනියමින් හෝ නැගී එතැයි හෝ සිතිය හැකි ෆොන්සේකා නිදහස් නොකිරීම නිසාවෙන් පැන ආ කසුකුසු මහින්ද මේ වන විට එක වදනකින් නිශ්ප්‍රභා කරන්නට සියලු කටයුතු යොදා ඇත.., ඒ ෆොන්සේකාට සමාව දීම ලෝකයා [ලෝකයා යනු ලංකාවේ හැටියට ලංකාව තුල ය.] ඉදිරියේ හඬගා කීමෙනි. එවිට වන්නේ නැවතත් ආණ්ඩුවට පක්ෂ ජන සන්නිපාතයේ ප්‍රසාදය මැද මහින්ද නම් රුව දිදුලීම ය.

මේ අතරතුර තවත් කසුකුසුවක් වන ජී ඇල් සහ හිලරිගේ හමුව යථාර්තයක් නම්.., ෆෝන්සේකා නිමිත්ත පාදක කරගෙන වෙනම ලකුණු ප්‍රමාණයක් ජී ඇල් විසින් හිලරි හරහා ලංකාවට බැර කෙරෙනු ඇත.

එයට අමතරව පාලක පක්ෂයට හැරෙන්නට ජනතාව ඉන් වන මෙලෝ සෙතක් නැත.., ජෙනරාල් නිදහස ලැබූ සතුටට එළවලු ලාභ වන්නේවත්, ඉන්ධන මිල අඩු වන්නේවත්, වාහන බදු වල වෙනස් වීමක් වත් නොව.., මහජනයාගේ චින්තන ධාරවන් තාවකාලිකව උත්තේජනයක් වීම පමණි.., වෙනත් කිසිවක් නැත.., පපඩම් කෑවා සේ බඩටවත් කටටවත් නැතිව ස්වකීය චින්තන පරාස අනුභවයට ඉඩක් ලැබීමකි..,

රනිල්ට කරනොගත්තේ ද, මහින්ද කරන්නේද, ෆොන්සේකා මතු කරන්නේද අප කාටවත් නොපෙනෙන සිතුවිලි උත්තේජනය කිරීමේ බලපරාක්‍රමයේ මහා බලමහිමයයි..!

රූපානුග්‍රහය : tiptopsl

12 comments :

Post a Comment

සංක්‍රාන්ති?

26 comments
පහුගිය අඟහරුවාද මම උදේම පිටත් උනේ අපේ සිදත් අයියාගේ ගෙදර යන්න හිතාගෙන..,
උදේ අට නවය වෙනකොට වත්තේගෙදර හන්දියෙන් බැහැලා පයින් යන දුරක තිබුණු හෙදර ඉන්න සිදත් අයියා මට නෑයෙකුට වඩා යාලුවෙක් කියන තනතුරේ තියා ගන්න මම ගොඩක් කැමතියි.., මම ගියේ එයගේ බිස්නස් එකට කරපු හෑන්ඩ් බිල් එකේ කරගන්න තියෙන වෙනස්කම් ටික ගැන මා එක්කලා කතා කරනගන්න ඕනෙයි කිව්ව නිසා..,
සුපුරුදු විදියට එහෙට ගිහිල්ලා.., බීම වීදුරු කීපයක හිස් කිරීමෙන් අනතුරුව අප තර තාවකාලික නිහඬතාවක් ඇති වුනා..,

මල්ලී උඹේ වයස කීයද??

28යිනේ අයියා

බඳින්න අදහසක් නෑ දැම්ම??

නෑ බන්.., පොඩ්ඩක් මෙහෙම ඉන්නවැයි කියලා හිතුවා..,

හ්ම් ඒකත් එහෙමද?

ඇයි එහෙම ඇහුවේ..?

නෑ මේ කාලෙ වෙනකොට කෙල්ලෙක් එහෙම ඉන්න ඕනේනේ.., මට ඒ කාලේ කෙල්ලෝ වැහිවැහැලා :D :D

අනේ නෑ බන්..., මට මේ තියෙන නිදහස දාහෙන් සම්පතයි..,

මම දන්නවා..?

මොකද්ද??

පළවෙනි එක අතෑරුනාම ඊට පස්සේ එකක් කරන්න හිත හදාගන්න ටිකක් අමාරුයි.., ඒ කාලේ මම ගැහුවෙත් ඔය තැටියම තමා.

ඔව් බන් ඒකනම් ඇත්ත.., ඒක අස්පට් ගියාට පස්සේ තමා මේ විදියට ඉන්න හිතෙන්න ඇත්තේ බන්z

මෙහෙම කරපන් මල්ලියා.., 

දැන් බලපන් උඹේ හැටි..? උඹ නිතර එළිපහලියට යන නිසා වතුවලට එහෙම යන නිසා උඹේ හම පිච්චිලා.., අඩුගානේ කෙල්ලෙක් දාගන්න හරි උවමනාවක් තියෙනවා නම් පොඩ්ඩක් අඩුගානේ ෆෙයානස් ක්‍රීම් එකක් පාවිච්චි කරලා. අපේ වයිෆ් මම රට ඉඳන් ආපු ටික කාලෙට මගේ හම පිච්චිනවයි කියලා මට ෆෙයානස් ක්‍රීම් එකක් ගෙනත් දුන්නා.., බොඩි ලෝෂන් එකක්, පොඩි හෙයාර් ජෙල් එකක් පාවිච්චි කරන්න බලපන්!!

ඔව් ඒක නං ඇත්ත අයියේ..,

කොන්ඩේ පිළිවෙළකට හදන්න බලපන්
අඳින ඇඳුම ගැලපෙන්න ඇඳපන්..,

අනික වැදගත්ම දේ??

මොකද්ද??

බඩ ටිකක් අඩු කරගනින්..,

මොකද කෙල්ලෝ ආසයි ෆිට් ඇඟක් තියෙන කොල්ලන්ට.

මම සාමාන්‍‍යයෙන් ඔය උඩ කියපු දේවල් ගැන එතරම් සැලකිල්ල නැහැයි කියලා මටම හිතිලා තිබුණු නිසා මට ඒ ගැන ආපහු හිතන්න හිතුනා..!

පොඩ්ඩක් කල්පනා කරලා බලන්න ඕනේ..,

පොඩ්ඩක් වෙනස් වෙන එකෙත් පොඩි ආතල් එකක් තියෙනවා වගේ..!

26 comments :

Post a Comment

සාපේක්ෂක: නුඹට අනුව මම

7 comments
ලියන ලියන
අකුරේ ලාලිත්‍ය
දකින
සිතන සිතන
වදන තුල
කවියක් හංගන
විද්වත් බහුමාන
"කලා රිට"
නුඹ

දමන
කවි වලට
අදහස් ලියන
ලියන අදහස්
සැර වැඩි නිසා
"රචක" ක්‍රෝධය
උතුරවන
ඌට අනුව
කොහෙවත් යන
අහක ලගින
"පාලං කොකා"
මම

7 comments :

Post a Comment

අවසන අපි වෙසක් එකට බඩු මිල එල්ලා පත්තු කලෙමු..!

5 comments

වෙසක් සඳෙන් සිරිලක නැහැවෙන්න ඔන්න මෙන්න කියා තිබියදී, සත් ගුණවත් සමුපකාර හා අභ්‍යන්තර වෙළඳ අමාත්‍ය ජොනී ඇමැතිතුමා බඩුමිල නම් අසූචි හැලියකින් මුලු සිරිලකම නහවා දමනු ලැබීය.., මේ වේලාව වන විට වැඩිවී ඇති භාණ්ඩ අතර ඇත්තේ කිරිපිටි, සිමෙන්ති සහ ගෑස් යන අත්‍යාවශ්‍ය දේවල් වලින් සෑදුනු එකතුවකි.
ඊයේ ප්‍රවෘත්ති වලින් අසා දැනගන්නට ලැබුණු පරිදි ගෑස් සමාගම් ජොනී ඇමතිතුමාගෙන් ඉල්ලන ලද ගෑස් මිල වැඩි වීම රුපියල් 907 කි. එය අපේ ඇමතිතුමාගේ "අප්පිරිහත" ධෛර්යයෙන් යුතුව හෙළා දැක ඒ වෙනුවට සුට්ටං රුපියල් 350ක මිල වැඩි කිරීමක්, සත්‍ය වශයෙන් ම කර ඇත්තේ මිල වැඩි කිරීමක් නොව මිල සංශෝධනයක් පමණි.
එබෑවින් අපි කවුරුවත් කලබල විය යුතු නැත. අනෙක් අතට එතුමා ඒවෙලාවේම ලෝක වෙළඳ පොලේ ගෑස් මිල හදිසියේවත් පහල ගියෝතින් ඒ මිල සහනය අපිට නොමසුරුව ලබාදෙන බවටද හත්පොලේ අත තබා පොරොන්දු විය. අපිට හෙන සතුටුය. සතුට වාවා ගන්නට නොහැකිව කඳුලු පැන්නේ ඉකියක්ද සමඟීනි.
කිරිපිට මිල "සංශෝධනය" කරන්නට හේතුව අර පසුගියදා හැටන් පාරේ අත්තනෝමතිකව කිරි බවුසර මුදාහැර ලංකාවට කල පාඩුව වසා ගැනීමට විදේශ වලින් කිරිපිටි ගෙන්නා පාර්සල් කර විකුණනවා වෙනුවට සිරිලක කිරිගොවියා නංවා ඔවුන්ගේ දියර කිරි භාවිතයට ගෙන ලංකාවේ කිරිපිටි නිෂ්පාදනයට දිරිදීම කලයුතු නිසා බව අපේ ඇමැතිතුමා නැවත වරක් අවධාරණය කරනු මම ඊයේ රෑ සෙටියට වී බලාගෙනය. 
මෙතෙක් කලක් ඩෙන්මාර්කයේ නවසීලන්තයේ තණ පිට්ටනිවල පිනුම් ගැසූ දෙනුන්ගෙන් දොවාගත් කිරිබී හැදුනු අපේ ජහමනයාට සසිරි පිරි මෙ සිරිලක දේශීය කිරි ගොවියා විසින් දුක් මහන්සියෙන් ගන්නා කිරිදෝතින් වැඩක් වේදැයි කියා මට ඇත්තේ සැකයෙකි.
අවාසනාවකට එය එසේ වෙයි නම්, දුරාතීතයේ සිටම දේශීය කිරිගොවියා නංවනවාට එදිරිව අපි රට කිරි බිව්වා, නම් අපි අමූලික දේශද්‍රෝහියෝ වන්නෙමු..,
විමල්ට අපිව වහ කදුරු මෙන් පෙනෙනු ඇත.

රූපය : ගොසිප් 9 අඩවියෙන් ගත් රූ දෙකක දෙමුහුමකි.

5 comments :

Post a Comment

ලෝබ අකුරු

8 comments
කවි ලියද්දී
හරි ලෝබයි
විසිකරන්න වචන
මම

" ඇයි සල්ලි යනවද? "
යාලුවෝ
අහන්නේ එහෙම

නෑ...

මම
ලියපු කවියකට
මෙලෝ රහක් නැති
කොමෙන්ට් එකක්
දැම්මොත්
උඹ
කවිය ලියන්න
ඇඟිලි වෙහෙසලා
කොටපු යුනිකෝඩ් ත්
අපරාදේ
මම

8 comments :

Post a Comment